Shkencëtari Harris Coopers, i cili për 25 vite me radhë ka kryer hulumtime dhe studime për ndikimin që kanë detyrat e shtëpisë te fëmijët nën moshën 10- vjeçare, ka arritur në një përfundim të padëgjuar më parë. Sipas tij, detyrat e shtëpisë ndikojnë negativisht në zhvillimin e fëmijëve të ciklit fillor.

Për të arritur në këtë përfundim, ai sjell me qindra argumente ne librin "Beteja për detyrat e shtëpisë". Coopers-i ka mbrojtur fort tezën se në ciklin parashkollor dhe të ulët, nxënësit nuk duhen vendosur përpara përgjegjësive të tilla, ku klasifikohen edhe detyrat e shtëpisë. Nëse në ciklin e mesëm apo të lartë detyrat, projektet etj. janë mjaft efektive, te fëmijët nën 10 vjeç ndodh e kundërta.

Shkencëtari rendit disa arsye se pse mësuesit nuk duhet t’i ngarkojnë me detyra shtëpie nxënësit e shkollës fillore.

Padashur, detyrat e shtëpisë mund të ngjallin ndjenja negative ndaj shkollës. Gjëja e fundit që duhet të bëjnë mësuesit, është që t’i kthejnë fëmijët kundër shkollës. Detyrat e shtëpisë krijojnë një ndjenjë të rreme përgjegjësie. Ata që mbështesin idenë e detyrave të shtëpisë, thonë se ato i ndihmojnë fëmijët të bëhen më të përgjegjshëm, por kjo vlen në një moshë më të vonë.

Fëmijët kanë nevojë, mesatarisht, për dhjetë orë gjumë në ditë.

Që të jenë 100% produktivë në shkollë, në shtëpi duhet të pushojnë dhe jo të bëjnë detyra.