Si do t’ju bëjë Kafka që të vini në dyshim gjithçka
Blog
Si do t’ju bëjë Kafka që të vini në dyshim gjithçka
Kafka lindi në vitin 1883 dhe u largua nga kjo botë në moshën 40-vjeçare prej tuberkulozit.
Romancieri dhe tregimtari hebre, Franc Kafka, mbahet si një figurë thelbësore e letërsisë së shekullit XX. Ai kërkoi që veprat e tij të digjeshin pas vdekjes, por, fatmirësisht, miku i tij Maks Brod nuk iu bind kësaj dëshire dhe sot ne kemi në dorë vepra, si: Procesi, Metamorfoza dhe Kështjella. Kafka ishte shumë i lidhur me të motrën, Otilinë, e cila e mbështeste më fort se kushdo në kohët e vështira. Jeta dashurore e Kafkës ishte po aq problematike, sa edhe marrëdhënia që ai kishte me shkrimet e veta. Sipas mikut të tij, Kafka ishte aq i pangopur për seks, saqë, në moshën 20-vjeçare, filloi të shkonte rregullisht nëpër shtëpi publike. Kishte fobi nga minjtë dhe, edhe pse e kishte kuptuar nga i buronte frika, nuk e mposhtte dot. Nuk kishte ndonjë mendim kushedi se çfarë për veten, madje kujtonte se të tjerëve u dukej i padurueshëm mendërisht e fizikisht. Pavarësisht nga historitë e shumta, nuk u martua kurrë, edhe pse u fejua dy herë me të njëjtën grua: Felis Bauerin dhe një herë të tretë me një pastruese dhomash hoteli, Zhuli Vohrizhekun. Ata vendosën edhe datën e dasmës, po një ditë përpara Kafka u arratis e shkoi me një grua tjetër. Nga radhët e pazakonta, që prodhoi pena e tij, po ju citojmë disa, të cilat do t’ju bëjnë të vini në dyshim gjithçka:
- Nëse të llahtaris vdekja, nuk ke jetuar ende.
- Unë arrij të dua vetëm diçka, të cilën mund ta vë aq lart mbi vete, sa të mos e mbërrij dot kurrë.
- Vetëm dy janë mëkatet e mëdha prej të cilave burojnë gjithë të tjerat: padurimi dhe dembelizmi.
- Mos e çoni kohën dëm duke kërkuar ndonjë pengesë, se mbase nuk ka.
- Më mirë fillo nga ajo që është e drejtë, se sa nga ajo që është e pranueshme.
- Flasin për gjëra që as s’i kuptojnë fare. Por, falë budallallëkut, ia dalin të jenë fort të sigurt në vetvete.
- Rinia është e lumtur, sepse arrin të shohë të bukurën. Kushdo që e ruan këtë aftësi, nuk plaket kurrë.
- Duke besuar me gjithë shpirt te diçka që nuk ekziston ende, arrijmë ta krijojmë atë. Atë çka nuk ekziston, nuk e kemi dashur me shpirt.
Burimi i informacionit 21 Janar 2020: ILoveIntelligence
Artikuj të përzgjedhur
10 FAKTE INTERESANTE PËR LIBRAT
E ku ka më mirë se të rehatohesh me një libër të mirë. Librat gjithmonë na përfshijnë n...
FRIGOBOOK: NË ROMË, FRIGORIFERËT E HEDHUR NË RRUGË KTHEHEN NË BIBLIOTEKA TË VOGLA
Në jug të Romës, në lagjen Vitinia, riciklimi dhe dashuria për librin shkojnë krah për krah. Kështu ...
BIBLIOTEKË NËN UJË, HËM...
Dy hotele në Kej Uest, SHBA, janë kthyer në parajsën e atyre që u pëlqen të lexojnë libra. Kur rrini...
NËSE NUK GJEN KURRË KOHË PËR TË LEXUAR, ATËHERË PO JUSTIFIKOHESH
Nuk gjen dot kohë të lexosh nja dy faqe? Po si i dilet me gjithë ngarkesat e ditës? Ne po ju japim të paktën dy zgjid...
Rekomandimet e 22 ambasadorëve se cilin libër duhet të lexojmë nga vendi i tyre
Kur nisesh të vizitosh një vend të huaj, do të dish se ku të rrish, çfarë të hash, çfarë të ...
Pse leximi është shumë i rëndësishëm për trurin?
Marc Peyser
Mund të pini vaj peshku, të hani shafran indie, të paguani për kurse gjuhe, revista fj...
Do ta lidhje një libër rreth qafës?
“Lartësitë e stuhishme“, “Gra të vogla“, “Drakula“, “Romeo e Zhuljeta“ vijn&...
Kur gënjen për librat që ke lexuar...
Ju ka rastisur të flitet për libra klasikë dhe të hiqeni se i keni lexuar, sepse ia dini ngjarjet falë filmit të real...