Miq të vërtetë
Seria: “Iriqi i vogël”
Miq të vërtetë
“Miq të vërtetë” është një ndër librat e serisë “Iriqi i vogël”, pa dyshim, ndër seritë më të bukura për fëmijë, si nga përmbajtja, edhe për nga ilustrimet dhe pjesët prej kadifeje të vërtetë, që gishtat e veckël nuk reshtin së prekuri dhe që ta ka ënda t’i shikosh. Ngjarjet zhvillohen në dimrin me dëborë. Nuk ka fëmijë që të mos i lexojë e të mos ndiejë mirësi, dashuri dhe një ngrohtësi të atillë, që i bën edhe më të paqtë e të mos ndihen kurrë vetëm e të trishtuar.
Një mëngjes, porsa çeli sytë, iriq vogëlushi vuri re se gjithçka ishte mbuluar me qilimin e bardhë të dëborës. Po ç’bëri ai për të shpëtuar miushen e gjorë që ishte bllokuar? Një histori shumë e bukur mbi miqësinë dhe me një fund të këndshëm në kapuçin e kuq aq të veçantë.
Certifikuar për sigurinë nga BE