Nata e Vitit të Ri

“Nata e Vitit të Ri” është një ndër librat e serisë “Iriqi i vogël”, pa dyshim, ndër seritë më të bukura për fëmijë, si nga përmbajtja, edhe për nga ilustrimet dhe pjesët prej kadifeje të vërtetë, që gishtat e veckël nuk reshtin së prekuri dhe që ta ka ënda t’i shikosh. Ngjarjet zhvillohen në dimrin me dëborë. Nuk ka fëmijë që të mos i lexojë e të mos ndiejë mirësi, dashuri dhe një ngrohtësi të atillë, që i bën edhe më të paqtë e të mos ndihen kurrë vetëm e të trishtuar. Iriq vogëlushi mezi priste ta kalonte Vitin e Ri tok me miqtë e tij. Po kush i hëngri biskotat që zbukuronin bredhin? Po kapuçi i iriqit, ku u zhduk? A u prish festa e Vitit të Ri pas këtyre ngjarjeve apo shokët e bënë atë edhe më të bukur? Zbolojeni vetë.