Dragonologjia

“Dragonologjia”, më shumë sesa një libër, është një përvojë fantastike njohëse dhe argëtuese e kësaj bote që të lë pa frymë, e botës së dragonjve. Ajo është plot e përplot me ilustrime të specieve nga më të ndryshmet, fletëpalosje, harta, gjedhe nga lëkura e dragonjve për t’u prekur, zarfa të vulosur që kanë mesazhe të veçanta pikërisht për ju. Ky është një studim i plotë i dragonologut të njohur të shekullit XIX, doktor Ernest Drake, i cili, kur flitet për dragonjtë, ndan faktin nga miti. Ai i ka pagëzuar ata me emra latinë, hulumton mënyrën se si jetojnë, si arrijnë të fluturojnë dhe shpjegon arsyen e vërtetë të sjelljeve të tyre më të dëgjuara. Në brendësi, veç të tjerash, do të gjeni edhe një libërth me gjëegjëza dhe enigma të dragonjve... interesant!