Enciklopedia e trupit të njeriut

Sa herë që eksplorojnë në trupin e njeriut, shkencëtarët gjejnë gjithmonë gjëra të reja, ndaj edhe librat për trupin e njeriut përditësohen vazhdimisht e janë nga më të larmishmit. Çdo faqe e kësaj enciklopedie të re, që shpjegon jetën e njeriut nëpërmjet funksioneve të trupit, nis me një pyetje, si: Përse gjaku është i kuq?; Cili është muskuli më i madh?; Përse më mpihet këmba? Përse sheqeri është aq i ëmbël?; Si i vret sapuni mikrobet?; A mund të operojnë robotët etj? Përgjigjet janë të hollësishme e të thjeshta, ilustruar me figura. Po ashtu, në çdo faqe ka pyetësorë të shpejtë. Provojini. A i dini, vallë? Bëni të njëjtën gjë edhe me pyetësorin e fotografive. Kjo enciklopedi ju vjen në ndihmë për të kuptuar më mirë çka bëni në shkollë.