Gjithcka qe duhet te dini

Kjo enciklopedi e mrekullueshme është një përmbledhje me dhjetë kapituj që grupojnë dhjetë çështje, si: makinat, bimët, kafshët, dinozaurët, shkenca, hapësira e të tjera. Në brendësi të këtyre kapitujve do të ketë informacione të shumta mbi tema të shumëllojshme. Të trajtuara me një tekst të qartë, të thjeshtë dhe ndërveprues, ato shoqërohen me 2000 ilustrime të hollësishme, informuese dhe argëtuese, çlodhëse dhe angazhuese. Te “Këndi i krijimit” që gjendet në fund të shumë çështjeve të trajtuara, do të mësoni si të krijoni me duart tuaja botën e dinozaurëve, si t’i shtoni bimët me copë, si të krijoni flutura e plot eksperimente të tjera. Fjalorthi i çdo teme ju ndihmon t’i kuptoni më mirë informacionet e marra. Fëmijët do të ndiejnë kënaqësinë e arritjes në rubrikën “Tani e dini!”, që gjendet në fund të çdo kapitulli dhe që i ndihmon ata të kuptojnë se kanë mësuar vërtet “gjithçka që duhet të dinë”!