Libri i eksperimenteve

101 eksperimentet shkencore të këtij libri, që mbështeten në fusha të tilla, si ajri dhe gazi, magnetët, ngjyrat, shqisat, elektriciteti e të tjera, do t’jua rrëfejnë ligjet e shkencës në praktikë, që ju t’i zbatoni me duart tuaja. Për ta bërë shkencën argëtuese, nuk ka mënyrë më të mirë sesa t’i realizoni këto eksperimente të thjeshta në kushtet e shtëpisë, me mjetet që keni përqark. Ky koleksion i pasur eksperimentesh do t’i argëtojë pa fund kureshtarët, duke u treguar shumë për shkencën dhe ligjet e natyrës, në mënyrën më të thjeshtë dhe më argëtuese të mundshme. E kush nuk do të donte të shndërrohej në një Ajnshtajn të vogël, të mësonte të krijonte një ylber, një vullkan nënujor apo të ndërtonte një busull? Çdo eksperiment në libër shpjegohet thjesht e qartë, si edhe shoqërohet me foto të hollësishme, që do t’jua bëjnë punën shumë të lehtë. Një botë magjike pret për t’u zbuluar!