Të bëftë mirë, bebushi im!

Autorja e librit, Fiona Wilcock, është dietologe e certifikuar dhe ka shkruar disa libra për mënyrën e të ushqyerit të fëmijëve. Ky është një prej tyre dhe i pari në shqip që ju dëfton se si ta shkëputni foshnjën nga gjiri ose biberoni, për t’i filluar ushqimin. Po ashtu, ju jep këshilla e udhëzime, informacione për lëndët ushqyese, për sasinë që duhet përdorur, si dhe për mënyrën e gatimit që nga dita e parë kur fëmija shijon ushqimin, derisa shkon në shkollë. Në libër ka grafikë menush për çdo javë dhe menu për çdo vakt. Ushqimet e çdo vakti gjenden në seksionin e recetave. Libri përmban 200 receta gatimi. Kuptohet që grafikët e menuve dhe recetat jo doemos duhet të ndiqen me përpikëri. Por do t’ju shërbejnë si udhëzues për të realizuar menunë javore të foshnjës.