Si të orientoheni në qytetin e lashtë të Krujës dhe çfarë mund të shihni në të? Cilat janë pikat më me interes të qytetit dhe çfarë ofron ai për turistët që e vizitojnë? Historia, veçoritë gjeografike dhe kulturore të qytetit, si dhe të dhëna të tjera me vlera njohëse, do t’i gjeni në përmbledhjen në gjashtë gjuhë në brendësi të kësaj fletëpalosjeje. Harta e qytetit me të dhënat përkatëse do t’ju orientojë drejt pikave më interesante për t’u vizituar, ndërsa harta fizike e rajonit, jo vetëm do t’ju tregojë veçoritë e tij, kostumet popullore sipas krahinave dhe rrugët që duhet të merrni për në drejtimin ku jeni nisur, por edhe do t’ju sugjerojë pika të tjera turistike që mund t’i vizitoni në zonë. Një pjesë e veçantë u kushtohet informacioneve praktike me numra telefoni e adresa të vendeve ku mund të qëndroni apo të ushqeheni, si edhe të dhënat e monumenteve dhe atraksioneve turistike që i keni fare pranë.