Dy hotele në Kej Uest, SHBA, janë kthyer në parajsën e atyre që u pëlqen të lexojnë libra. Kur rrini shtrirë në plazh ose në pishina, me siguri që ju shkon mendja të shfletoni ca faqe. Mirëpo uji mund ta dëmtojë librin, ndaj këto dy hotele në Kej Uest kanë krijuar biblioteka në ujë, të shkëlqyera për të lexuar buzë pishinës. Po si?

Pushuesit mund t’i kërkojnë librat te recepsioni i hotelit dhe t’i marrin me vete, edhe kur duan të zhyten në ujë. Në pishinat e këtyre hoteleve mund të lexosh shtrirë në ujë. Aty gjen një sërë librash klasikë, si: Tregime të shkurtra të Mark Tueinit, Makbethin e Shekspirit, etj., etj.

Tashmë këto hotele janë kthyer në vende të përkryera për qetësinë dhe për mundësinë e rrallë, që u japin pushuesve për t’u kredhur, në kuptimin e plotë të fjalës, në faqet e një libri.

Burimi i Informaciont, 21 Gusht 2019

https://www.narcity.com