Gjatë konferencës së përvitshme të Shkencës së Avancuar që mbahet në Vankuver të Kanadasë, shkencëtarët kanë publikuar, në sajë të kërkimeve shumëvjeçare, një listë prej 25 fjalësh që një fëmijë 2-vjeçar duhet t’i dijë medoemos. Sipas tyre, nëse një fëmijë arrin t’i nxërë fjalët themelore të kasaj liste, atëherë nuk do të ketë probleme me të folurit. Këtu po përmendim disa prej këtyre fjalëve: po, jo, mami, babi, qumësht, lëng, top, qen, mace, banane, hundë, sy, biskotë, makinë, falemnderit, mirupafshim, këngë etj. Për këtë qëllim, specialistët i këshillojnë prindërit që t'u nxisin fëmijëve interesin për librin që në muajin e gjashtë të jetës. Në moshën 1-vjeçare, prindërit duhet t'u lexojnë fëmijëve përralla të ilustruara. Nuk këshillohet kurrsesi që të vegjlit të qëndrojnë përpara televizorit, duke parë filma vizatimorë. “Nëse fëmijët në moshën 2-vjeçare nuk i përdorin dot këto 25 fjalë, atëherë mund të flasin me vonesë, por, gjithsesi, nuk duhet të shqetësoheni. Nëse kur bëhet 2 vjeç e gjysmë, fëmija vazhdon të ketë probleme me të folurit, atëherë prindërit duhet të këshillohen me mjekun”, thotë profesor Leslie Recorla, i cili është marrë me këtë studim. Problemet me të folurit pas moshës 2 vjeç e gjysmë mund të jenë shenjë e problemeve më të rënda, si shurdhëria apo autizmi, ndaj këshillohet që këta fëmijë të vizitohen te mjeku specialist sa të mos jetë tepër vonë.