Nga Jessie Gaynor

Dihet që librat janë melhem për këto kohëra të tmerrshme, por, ndërsa rriten shitjet për librat me tematikë të murtajës, kuptojmë se njerëzit duan të lexojnë libra që kanë të bëjnë drejtpërsëdrejti me kohën që jetojnë. Me pak ndihmë, çdo libër mund ta kthejmë në libër për virusin Korona. Pra, ja dhjetë fjalitë e para të disa romaneve klasike, përshtatur për distancimin social.

Zonja Dallouej

Zonja Dallouej tha se lulet do t'i blinte vetë. Pastaj iu kujtua se luleshitësi ishte mbyllur. Po edhe që festa ishte anuluar. Më në fund, ja ku gjeti pak kohë të pushonte e të mendohej se kë duhej të zgjidhte për t’u martuar.

Rruga e mjellmës

Kisha kohë që bija herët në shtrat. Nuk ndieja lodhje. Dukej sikur diçka më thoshte: ej, e di që kështu kalohet më mirë koha?

Midëllmarçi

Zonjusha Bruk kishte atë soj bukurie që duket sikur bie në sy prej streçeve e pulovrit, që nuk i kishte hequr nga trupi këto pesë ditët e fundit.

Shënime nga shtëpia e të vdekurve

Jam njeri i sëmurë. Jam njeri i lig... Jam nga ata njerëzit që do të shkoja te McSorley’s të festoja ditën e Shën Patrikut!

Kambana e qelqtë

Ishte një pranverë pandemie, diqysh e dehur, pranvera kur anuluan gjithë orgjitë dhe unë nuk e di ç’bëja në Nju Jork.

Getsbi i madh

Në vitet e mia të hershme e të brishta, im atë më dha një këshillë që e tjerr në kokë që asokohe. “Kur të duash të shkosh në një restorant,” më tha, “mos harro që në këtë botë ka njerëz që nuk kanë sistemin imunitar që ke ti”.

Mobi Diku

Më thirr në FaceTime, Ishmael.

Hobiti

Në një vrimë në tokë jetonte një hobit. Ai kishte në plan të rrinte aty gjer në një afat që nuk dihej, që të mos e vinte në rrezik jetën e personelit mjekësor.

Xhejn Ar

Edhe mund të shëtisnim atë ditë, po të rrinim nga një metër e gjysmë larg me të tjerët që shkonin rrugës.

Krenari dhe paragjykim

Dihet botërisht se një beqar me goxha pasuri, duhet të dalë të mbledhë rezerva letre higjienike.

Burimi: lithub.com 1 Prill 2020